Calendar
[ 發表回應 ] | related link
今早約了亞四同衰人同Ricy沖涼,因為Ricy好痕好臭,媽咪未同過咁細BB沖涼,都係要衰人出手! 沖沖沖.. Ricy好叻叻喎,唔驚水,弟時可以同yoyo一齊暢泳啦! 不過Ricy好唔鍾意風通,一見就咬咬,真係有D煩! 要三個人服待佢一位,認真巴閉!
Ricy既口痕都未有改善,要倚靠Ricy爸好好管教了! 亞四見Ricy耳仔後返,又要搞搞佢! 用下膠紙睇下得唔得,又好似得得地,一於試下有無好效果先得! 跟住係Ricy麻出手磨指甲,真係要好多心機同用力足住Ricy. 最後,我地成功剪左指甲同腳底毛! yeah!!!
係時候去接我既兩位寶貝仔,Humphrey同yoyo玩下,我地又同yoyo去街街逛下! 博博就留係屋企同婆婆公公玩啦! 開始Humphrey既生日會啦,掛住食無影相添,好彩有影生日蛋糕,Happy Birthday! 下年我地可以同Ricy一齊慶祝生日啦!
[ 發表回應 ] | related link
見個天好似都幾好,爹D又咁難得有saturday off! 一於約朋友仔去橋咀島玩啦! auntie jojo,真係唔好意思,你又要開OT呀! 今次無狗狗朋友,只有auntie細佬,uncle gold同uncle L. 出發啦,去到西貢,細佬姨又話要買多個水泡喎! 好啦好啦,今次有浮床,有水泡,一定好好玩! 嘩..咩比黑格比搞成咁呀.. 我地搵唔返條樓梯同個放袋既'博'添! 真係面目全非,我地一到已經有狗狗同人啦,好開心!
男人搞吹水泡,BB準備下水,yoyo經過上次教訓,好似有D驚,唔敢喪游! 終於搞點,可以落水,真係好開心! 不過點解佢地個個都咁驚yoyo,因為yoyo一見人就抓,好彩媽咪早有準備! 大家游下浮下好快又成個鐘,見水水有D凍,媽咪都係同博博上岸先! 博博你玩沙啦,媽咪同你換左件衫先得! 同小朋友去游水真係幾煩架,太曬又驚,凍又驚!
兩位uncle好有心機咁同博博玩,仲不停幫博博打水返黎,真係唔話得! 博博好專心咁玩,到最後只有一張望鏡頭既相..坐坐下好似有雨毛毛喎,唔係化! 快快收拾行裝,搬去有蓋既地方先! 剛搬好,出太陽,係咪玩野先.. 快D比野博博食! 食完,博博開始唱歌,又係午睡既時候,uncle gold話抱抱博博睡,叫媽咪去玩! 真既..
媽咪好開心,博博比左uncle gold拍拍一陣就訓左,uncle gold 仲抱左成半個鐘有多,真係好錫博博呀! 原來uncle gold好有父愛架! 而媽咪同爹D就馬上去游游玩玩,不過D水真係好凍!
今日同yoyo影左D沙龍,仲再遇上兩隻白威同一個男人添,yoyo都有同佢地玩! (相中個咀污穢D個位是yoyo) 今次可能係最後一次游水水啦,天氣凍左,唔係好啱博博黎! 期待博博出年係橋咀島跑跑!
[ 2 回應 ] ( 208預覽 ) | related link
近日媽咪自製四天工作天,只為了博博同Yoyo. 今天是為了帶博博去Baby Buddies試班! Baby Buddies真的是跟Kindermusik不一樣,好似上課一樣,有唱歌,講故事,食茶點,美勞手工同大型玩具玩! 博博一去到陌生地方,不敢亂碰東西,最後等到一個鬼妹仔,馬上行近跟兩歲既女仔一起玩! 原來溝女真係天性! 博博係講故事既時候不集中,左望右望,到最後一次講故事幸好有好轉! 坐定定聽Teacher Michelle講故事!
博博第一次係茶點既時候食提子乾,坐定定,仲比人讚添! 今日有小朋友Last Day同Birthday,所以人人都有蛋糕食,好開心! 博博仲自己食添！玩大型玩具既時候,博博玩"呼拉圈",爬長隧道,sir滑梯,仲同個女仔一齊推BB車,真係估唔到,博博好喜愛那個扮BB既公仔,仲kisskiss同抱抱添! 不過星期六真係有太多人waitlist,我地要等下先有得再上堂啦！
下午,媽咪跟博博一起做蛋糕,博博做得非常開心,自己搞搞(當然媽咪有幫手,如果唔係,唔知幾時有得食). 最叻個part係幫媽咪將朱古力放係蛋糕上面,最後終於可以品嘗自己親手做既蛋糕! 仲要拎比爺爺同爺爺一齊分享!
[ 發表回應 ] | related link
媽咪今日又去行下寵物店,見到有張床好得意,馬上買比Ricy先得! 要Ricy有一個家既感覺,一張床係不可小既.. 見到有一張大一張細,左諗諗右諗諗,最後都係買左比Yogurt做生日禮物! 雖然屋企仲有三張床,仲有一張話送比Ricy,都要買.. 唔怕啦,呢張係脊面清爽好多架!
點知一返到去,好似博博好鍾意張床喎! 係咁霸住真係呀.. 仲要推走yoyo,自己訓同坐,仲要扮到好舒服,激死人! 好難得,yoyo先可以霸返間床影幅相!
[ 2 回應 ] ( 132預覽 ) | related link
前一頁 下一頁