Calendar
今日去健康院了,要照下有無黃.爹D放一個星期照顧我地,真係幾好喎! 真係有小小黃,不過唔嚴重,而體重增加了小小. 有2.38kg! 要留意尿尿既情況,一日要有六條片! 兩日後再返黎.. 今日小雲有一本粉紅色簿仔,紀錄佢既成長! 而媽咪第一次同小雲出街有點不知所措,唔知要拎咩! 不過好彩係食BF,肚餓便馬上比佢食,唔駛開奶! 都幾方便! 食食下一叫名又出返去.. 小雲食到好忟憎! 回家了,同小雲係屋企樓下影張相先!
因為博博的car seat,要比妹妹,博博有一張新架啦!! 博博好似好開心,好得戚咁!! 今日博博係媽咪餵妹妹飲奶時,搞妹妹隻耳仔. 搞到妹妹好痛,食緊奶既小雲都要馬上大哭. 媽咪想,似乎妹妹都唔好蝦,弟日真係有排打交! 現在我們要小心博博,因為他會學我地如何對妹妹,不過他不懂得力度大小,好容易會弄傷妹妹的!
[ 發表回應 ] | related link
博博見我地個個都要抱妹妹,他又嚷著要抱妹妹! 好啦,我們放好了cushion,讓哥哥抱抱他,很好笑! 博博表現得好緊張,我們問他是不是緊張,他說"是"! 但哥哥都好乖,真係抱住妹妹沒有郁! 下午有好多visitor,有uncle rico 同 細佬ee. 仲有ah4, ah mic, ah kwong同oyagi. 多謝你地探訪,多謝你們的禮物!
oyagi做咩揹左博博個書包架.. 妹妹成身都脫皮,好醜陋! 個個都話唔似博博,唔似咩.. 小雲係女仔一點,可惜都好似係單眼皮! 算啦,媽咪想小雲似自己都無望架啦..
uncle Rico最喜愛係同博博玩,走的時候十分不捨得呢!
而今次媽咪請了陪月,陪月替媽咪準備好所有要食的東西,飲的湯和飲的茶,就連薑水都準備好,都幾好喎! 三個小時可以煮好午餐,準備好晚餐,煲好了兩個湯,替BB沖好涼,一個字..勁! 仲搞出了燉雞汁給媽咪,媽咪咁大個人都未試過,一隻雞燉出一碗汁! 一定好保!!! 不過呢個陪月要用具合她意思,爹D同麻麻馬上買了一個新燉'中'回家,可讓整隻雞放入!
[ 發表回應 ] | related link
今天媽咪好緊張醫生的探房時間,媽咪要問下出唔出得院. 醫生檢查完媽咪,自動說今天出院了.媽咪問小雲有無黃..醫生說無.. 媽咪去餵奶時見有護士同BB抽血,媽咪又問21bb需要嗎..她說不需要..明明媽咪只餵人奶,點解唔黃呢? 再問清楚,原來小雲既數字好靚,無需要. 但出院之後要快快上健康院! 因為媽咪是餵人奶,怕唔夠會排出不到黃膽素!
而今天媽咪餵人奶有一點起色,一邊的breast有滴奶,小雲有奶飲啦!比起博博時,真係快了很多! 媽咪好開心! 希望可以成功餵人奶! 下午叫爹D前來和我們出院,好開心! 同小雲返屋企了.. 家中有兩個仔等媽咪.. yogurt今朝唔食飯,好像在等媽咪返! 博博又有打電話比媽咪,話掛住媽咪! 媽咪都好掛住佢地!
估不到臨走都有visitor,係uncle Joseph和auntie Annie,你地好! 你地黎上產前堂呀..希望你地個BB快D出生同我玩啦! 媽咪同小雲選擇了一件靚衫,仲有batgirl送的被子,靚靚地出院了! 媽咪要同小雲係大堂影下相,F8 21床位.
一回到家,博博好開心,走上前跟媽咪擁抱! 好感動! 叫佢快D見下小雲.. 話比博博知媽咪生左小雲出黎,肚埋沒有BB了! 他馬上鍚鍚佢..沒有其他人叫他的! 真的好sweet!! 媽咪爹D都希望他們兩兄妹能夠互相扶持,互助互愛,一起學習,一起成長! 放了小雲去high chair,博博又走上前看看,好像她是一個新玩具一樣!而爹D媽咪一早為妹妹準備了一份玩具送給博博. 便是一部computer! 博博有自己的computer了!
爺爺麻麻要比一個利是小雲,祝她快高長大! 小雲都要試下自己張床先得!
今日回家之後,生活好像打仗一樣. 要關心博博的表現,又要照顧yogurt不要走近妹妹,媽咪爹D又不知所措.. 爹D由昨天起病倒了! 照顧上又有一點困難! 博博什麼都要參與,但是又幫不上,搞到爹D媽咪有一點吃不消! 晚上爹D跟小雲沖涼,爹D真係好叻,仍然可以! 沖完博博又沖小雲,病了的爹D真的辛苦了! 可算是一位super Daddy!!!
辛勞了一天,終於睡了! 因為爹D不想過病給小雲,唯有做廳長! 真係難為了爹D,不過爹D說他可以陪下大仔yogurt,因為由今天起,yogurt都要做龐廳長直至媽咪返工! 這位爹D真偉大! 媽咪突然覺得爹D成熟了很多,為媽咪分擔了很多憂慮和工作! 媽咪都要學博博講I love you daddy!
[ 發表回應 ] | related link
東區醫院有一種特別房,$2400一天三人房,好舒適! 媽咪房埋只有二人,所以好似私人房咁!! 有自己的雪櫃,廁所,電視,仲有育嬰房有人幫你揍BB,餵奶時有姑娘叫醒你去餵,餵完會叫媽咪去休息! 頭兩天不夠奶要補奶都由姑娘負責,他們不會用奶瓶而是用杯仔餵的! 好讓BB不會有乳頭混淆!
今天多了很多朋友前來探小雲,見姑娘見不到,大家都好放肆地抱小雲! 當然首先是大姨媽抱啦. 連姨丈都得閒黎,真係有face. 我的好朋友和好同事都來了,他們都好高興可以抱到一個兩日大的BB! 平時去探人都只係在窗口見下,今次可以抱真開心...不過大家都好緊張!
[ 發表回應 ] | related link
昨天不停地不同的人打給媽咪問媽咪生左未.. 細佬auntie又話要約下媽咪星期六有節目等小雲嬲嬲地出黎! 而今天媽咪已經準備好公司要apply job既資料,所有的東西都好像準備好小雲的誕生! 而今晚媽咪都開始食西瓜了,好好味,食了很多! 爹D說要開始行下了,好..不想出街行,便在屋企行啦.. 行了半小時,真的有點累! 睡了,發了一個又一個陣痛的夢.. 唔知搞咩..1時睡,2時又急小便起身了,3時突然feel到好似M come,唔通真係夢想成真! 都係去toilet check check!! 真係見紅了! 點呢..叫醒爹D先啦!! 之後仲想洗頭沖涼先去醫院,不過坐左起身,好似五分鐘就痛既! 唔多似樣喎,正想走進浴室時,又痛..都係唔好啦,人人都話第二胎快,我唔想係屋企生仔,都係急急腳去醫院啦! 同ANN姐姐講左一聲要他照顧博博,便乘的士去醫院了! 幸好一早收拾好走佬袋,所以只是收拾錢包便可以出門了. 到了醫院,有一個大肚婆同媽咪一齊入院,不過佢好似仲痛過媽咪! 最後,檢查之後,那位大肚婆真的入產房了! 而媽咪原來仲未開,叫爹D返去先喎! 咩未開咩,仲以為開緊咁緊張添.. 訓係床到,檢查下小雲心跳,之後去下廁所食下野..好似又痛多左喎,同姑娘講下再檢查下先! 開啦.. 爹D剛剛訓上床又被媽咪叫醒再去醫院! 爹D到醫院時已經是六時多了,我們在產房有姑娘同助產士陪我地! 入到產房同瑪麗有一點不同,不過床就靚好多! 媽咪問助產士有要什麼止痛,她們竟然答無笑氣,因為新裝潢未有牌照. 唔係化,好驚喎! 咁用無痛分娩啦,當然政府醫院會用十萬個理由叫你唔好用! 搞到媽咪好驚添,仲驚過生博博,腦海中記憶返好多好痛既感覺,加上肚子的痛開始多了,有點不知所惜! 最後媽咪只是打了止痛針去舒緩一下痛楚.. 明明話第二胎好快,點解好似仲係痛好耐,媽咪又問可不可以打無痛! 幸好有爹D在身邊,爹D終於出聲了,爹D問媽咪做咩咁心急,其實個痛同上次生博博一樣,仲要短左好多架啦. 打無痛有風險,媽咪上次都得,今次都一定得.叫媽咪放鬆一點,小雲好快便會出來! 由七時起穿水,產程一路都好慢. 九時了,陣痛突然快了,好像有急poopoo的感覺和推動,助產士說是了,我們就是等這一種痛. 媽咪記得好像痛了五六次左右,全開了,小雲出世了,好多位助產士入了產房,醫生都在場..好混亂! 媽咪都痛到不記得清楚,只是有痛時爹D叫媽咪呼吸去舒緩! 最後push左兩三下小雲頭已經出了. 相信第二胎是最後階段是比第一胎快好多呢... 十時,呱呱聲,小雲出世了! 抱了上媽咪身體,媽咪好像見到博博一樣..不過好開心! 終於完成了!
小雲體重 2.5kg = 5lb8oz, 48cm長, 32cm 頭圍.
東區醫院服務真係幾好,有一位助產士一路照顧媽咪,又不停支持鼓勵媽咪,最難得係同我地影相! 我們都沒有準備,只有用手機影! 小雲沖完涼之後入了暖箱,因為好不夠暖,待爹D回來時便一起去抱BB. 不過小雲都好惡,一出來便大喊,可能是肚子餓. 而小雲跟博博不同,小雲對自己個名無咩反應. 媽咪還記得,一叫博博做小吉時他會馬上打開眼睛! 最後姑娘抱走了小雲,要餵奶了! 媽咪先休息啦!
媽咪沒有多大胃口,可能不是出了很多力! 休息一個下午,晚上有不同的親戚聞訊走來見小雲,他們說小雲不是太似博博喎!! 好女仔樣.. 多謝你們來探小雲和媽咪呀!
由晚上開始,媽咪自己餵小雲,第一次見小雲無穿衣服,原來小雲身上有好多毛架! 頭髮當然比博博多,不過都好似係單眼皮!! 手指甲跟博博出生時一樣,好長,好彩今次有携同手襪仔! 小雲食人奶好叻叻,不過媽咪其實係無奶架..小雲同媽咪要加油,媽咪每兩小時便要起身餵,又要開始過infant既辛苦生活了!
靜了下來,媽咪想想,心中微笑,媽咪已經完成了人生的夢想. 媽咪要有一個幸福家庭,有兩位小孩子,有一頭家犬. 媽咪的夢圓了! 往後的日子是如何找到足夠的金錢去養大小朋友,好好教他們做一個好人! 爹D媽咪以後的路還有很長呢!
[ 發表回應 ] | related link
前一頁 下一頁