Calendar
媽咪今朝去左seminar,放了半天假,跟住同auntie farfar去食飯! 食飯之後,我地一齊去睇書,買左兩樣東西比博博! 一盒字咭,仲有一本First Experience既書,auntie farfar話佢姪仔好鍾意架,因為BB人生有好多First experience,可以用呢本書介紹一下將會發生既事,等小朋友有心理準備! 又真係幾好喎!
媽咪又買左一部DYMO,因為成日都要幫博博print呢樣個樣..聽uncle gordon同auntie carina話百幾蚊一部,咁就買啦! 點知,係$498一部,最平都要$268,唔通物價高漲左咁多既,定係媽咪比人點先~~~ 不過見個Snoopy DYMO,而家特價$298,跟機送一盒帶,照買啦! 可以打中文,日文同英文,仲要有snoopy公仔添,好似好勁喎! 行下行下,不經不覺又到五點,最多收穫既一定係博博,不過媽咪都唔弱喎!
早左返屋企既媽咪梗係要同博博去街街啦..近近地仲要拎埋架車車落去玩! 好開心! 不過估唔到玩到鞋都爛左小小..呢位小朋友其實懂得企,不過只係懶惰,係屋企拉都唔肯企. 出到街,企不知幾耐!
頑皮既博博仲係無媽咪幫助低下,自己一個爬到上滑梯頂! 又唔知點解,突然懂得咩叫'sir',媽咪叫佢'sir',博博就伸直隻手,'sir'返落黎啦!
係公園仲認識左一位住十樓既小朋友,妹妹細博博四日! 不過人地已經識行識走,只係個子比博博小! 小朋友對博博架車好感興趣,隨便玩下啦! 博博又好大方,任人地玩架!
今天Ann姐姐煲左開奶茶比博博飲,好彩博博又無咩抗拒,枝奶次次清! 如果可以,媽咪要兩星期煲一次,清下博博D熱先得! 仲有博博今日爬左上musical table,天呀! 惡夢開始啦..馬上替窗花上鎖,真係要有心理準備博博會成日起樓! 而梳化仔,媽咪已要求姐姐收起,因為博博已經可以爬得上(係從背面爬),媽咪怕博博用梳化駁腳,爬上TV櫃!
[ 發表回應 ] | related link
估不到年紀細細既博博已經擁有佢人生既第一座樓,地點 - 頭額上左前方. 有如一個小乒乓波般,據Ann姐姐說這是博博突然企起身撞到Ann姐姐牙齒所致,真係信不信由你! 只不過怪在博博並不痛,按摩時又沒有任何抗拒,相信是不太嚴重!
不過麻麻都係擔心,於是就用雞蛋同博博碌..可能因為有點熱,博博不時推開麻麻!
昨天晚上博博又醒了,Ann姐姐話博博好累,但不知什麼弄醒他,用了很久才逗他入睡! 我們都一起猜猜原因. 媽咪想了事因有三 -
1/ 肚痛 (因飲了不小泳池水,不過第二朝又沒有拉肚子)
2/ 心野 (訓住都好想玩,好想訓小小快起身再玩)
3/ 食得太多藥
同其他媽媽傾了,似乎博博貪玩,最大既機會係2! 不過媽咪都想不通,博博午睡近日已經不好,玩了那麼多還不累,多麼恐怖的一個BB阿! 唯有繼續觀察啦! 只怕又是下一次病既預兆!
唔知博博係咪訓得唔好,脾氣好差! 時不時大叫,又唔鍾意我們阻止他做一些想做既事! 而家又愛打人,其實媽咪跟爹D討論後,似乎博博是想叫人同佢玩,只係不能控制力度! 只不過無論用咩方法,博博都好似聽不出我們既不滿,一次又一次挑戰我們,真是的! 對住這位Gen Z既小朋友,媽咪要加RAM先可以追上了!
[ 2 回應 ] ( 145預覽 ) | related link
今晚媽咪一回家就馬上跟博博去游水,游夜水媽咪同博博做足預冷措施,有一件保暖衣! 好彩天氣好熱,水是暖暖的! 游了半小時,Ann姐姐就來接我們! 今天教博博踢腳了! 媽咪希望快讓博博學懂游水,好讓哮喘不要再來!
頑皮既博博今晚愛爬梳化,媽咪唔比細梳化近住大梳化,怕佢一不留神會跌落地! 但佢仍然無放棄,一路咁爬,以為有一次可以爬得上! 爹D跟媽咪已經數不出博博爬了幾多次,只見佢重覆又重覆做!
突然見到博博有新玩意...噢,媽咪終於知道今天係天眼看到博博鬼鬼祟祟在搞什麼,原來係玩發泡膠! 媽咪弄了啞加力膠保護DVD同CD機，點知量少了一寸！ 博博成日拍打膠片,媽咪怕生意外,想了用發泡膠弄高一點,可惜聰明既博博懂得如何用小手轉少少伸入去! 天啊,博博是太聰明了! 媽咪唯有又想法止要阻止他! 用BB安全膠條好好索住..誰知博博找來新目標 - 發泡膠! 今次真係無哂計仔,辛苦Ann姐姐常常吸塵吧! 幸好博博沒有將膠粒放入咀! 爹d見博博既頑皮,馬上拍下來,好讓博博大了自己看看!
[ 發表回應 ] | related link
又有禮物收,係呀..又係伯娘買架! 係口水肩都食飯肩,好可愛! 真係多謝哂伯娘啦!
仲有姨媽去書展買既玩具,好益智,等我大個小小就可以玩啦!
我d牙仔真係有d痕,成日好大聲咁叫,脾氣確係麻麻地! 媽咪雪凍左個8字比我梳乎下,正! 只不過我不時掉8字落地,媽咪唔比我食啦!
博博既咳明顯好了,唔通真係去完游水好左! 不過睡眠好差,半夜醒了一個小時,真的很奇怪! 而Ventolin已經減到早晚..如果情況理想,好快我地又可以停藥!
[ 2 回應 ] ( 134預覽 ) | related link
近日有成34度,真係人都溶啦! 一早咁好太陽,真係忍唔住要同博博去游水! 仲要試下我地既水底相機同頸cool水泡!
媽咪第一次用水底相機,唔係影得幾好,唔好介意!
去到泳池,有個救生員教我地同BB游水,要開始放佢入水中! 話細細個其實係懂得如何幣氣的! 我地見有一個14個月既bb為我地做師範,一於學下啦! 一開始飲左幾口水..好慘!
隔左幾次,好似有小小進步..
終於成功啦..你地睇下博博係水中會合口,上水才呼吸! 真的不能說博博唔叻叻!
你睇我地一家人游得幾開心,博博一D都唔驚!
游完水,腳腳既皮都皺了! 而媽咪亦都好喜愛新既相機!
游完水又有下場,約好左一班同事有個BB BBQ gathering! 因為有好多小朋友,我地選擇了一個室內既地方比小朋友有得玩,大人又有得食!
博博同Asta,Roxane一齊企,好乖! 係屋企都無企咁耐架!
博博好喜歡跟Asta姐姐交流,好可愛既兩小無猜!
Baby仲乖,餵博博食餅添!
我地一場去到家姐到,家姐就梗係落黎同我地玩啦!
好靚既大蝦!
大合照啦! 由左至右有corey,roxane,baby,博博,asta同望望! 我地仲要多謝 auntie May 同 auntie June既禮物添! 玩左一日,好開心,好累.. 仲有下場..係..因為今日係公公生日,我地要返婆婆到啦!
公公生日快樂! 你75歲啦,嘩..咩婆婆咁好笑會寫你全名架! 祝你年年有今日,歲歲有今朝!
同公公婆婆合照,仲有媽咪好掛坐YOYO呀! 不過見到Humphrey行一步,yoyo跟一步,都知道佢地既關係好好! 再住多一陣,等博博好返,yoyo都可以返屋企! 只不過而家好似Humphrey一家都好喜歡yoyo,生活既習慣都熟識了,怕叫佢走既時候會唔開心!
[ 3 回應 ] ( 122預覽 ) | related link
前一頁 下一頁