Calendar
放工一入門口,總有我乖乖既兩個小孩子來迎接媽咪! 博博總是唔夠yoyo快..又霸唔到好位! 有時仲會比yoyo既爪爪到添! 今日Ann姐姐投訴yoyo,yoyo下午玩玩下突然咬博博..事發係因為yoyo係到喪跑,博博見到好開心,坐係到哈哈大笑! 可能yoyo有點過度興奮,於是就沖左去博博到..撞到博博既左邊面! 可能係有e牙,不過好快收口,所以博博塊面紅左! 媽咪問博博有無喊..都係無..不過有一個好驚又縮縮地既表情! 其實到媽咪返黎都無咩事..相信yoyo只係一時玩得開心! Ann姐姐好驚,一路將yoyo隔離! 可能係博博有反駁能力前都係唔好比佢地獨自一齊!
其實博博唔知死架.. 成日都要搞yoyo既玩具,好鬼貪玩! 有時yoyo都會一口'及'落去..不過un皮博又點會驚.. 仲識打打yoyo添呀! 真係見到你兩個唔知好嬲定好笑! 唔講你地唔知,博博終於叫Yogurt啦..不過唔係叫yoyo,而係叫gurt gurt! 麻麻成日咁叫yogurt,博博不經意地pick up左! 好好笑!
梳化套要用抽真空袋儲存,博博身為男孩子都想出一點力,博博同yoyo一齊幫手! 喂,咪越幫越忙呀..走走走!
[ 發表回應 ] | related link
又係博博既生日會..今個應該係今年最後一個了! 今次有媽咪既老死一齊同博博慶祝! 我地去左太古城食mussels,很久沒有去這間餐廳了-Belgos East!
最可惜既係我地既相機無電..無一個auntie有相機..食完飯餐廳有送比birthday boy既whaffles! 有爉燭架..博博一二三..吹! 生日快樂! 今晚博博唔知比人問左幾多次..「博博幾多歲?」 但每次博博舉起一隻手指既時候,人人都會笑! 仲會時不時整古博博..問佢出年幾多歲? 今年幾多歲? auntie Jacqueline仲想比薯條佢食添! 跟住,博博見大家都咁高興就再做鬼臉弄其他人笑..真係一個開心果!
今日麻煩了auntie Annie同uncle Michael車我地,唔該哂!
博博而家出街影好多相..一張1GB真係唔係幾夠,要增值..一來便是4GB,應該有排用啦!
呢個係auntie 花花送比博博既生日禮物! 係一個book set! 入面既公仔係好真架..幫助小朋友認識真實既事物! 多謝哂! aunite 花花睇好多書,成日教媽咪架..例如,唔好講BB話,好似'飲水水',就要講'飲水'! 又要留意連接詞既使用.. 嘩..媽咪講說話真係要好小心,媽咪而家說話正音正字既重要!
[ 發表回應 ] | related link
今日要招呼朋友仔喎..終於等到第一次既BB gathering同生日會! 媽媽friend已經認識左一段時間,好想比BB一齊玩..今日媽咪既願望成真! 媽咪係主人家,要搞得好好睇睇先..有生日旗仔,生日檯布,仲有生日balloons! 要唔該哂,孖女爸爸既creative創作!
等我介紹下我既今日黎既朋友仔先..有孖女之一既Claudia,愛皺眉既霖霖,好大聲喊既Oswin同識得行既Cadee!
仲有另一孖女Valarie,同高博博半個頭既Valere. 有好多朋友仔,好開心喎!
個個小朋友黎到都有小小陌生,不過玩左warm up一陣好好多! 今日有媽咪親手做咩蛋糕,不過味道就唔係好滿意,難為左D媽咪爹D要幫媽咪做白老鼠! 小朋友大部份都唔食得蛋白,唯有食BB餅餅啦! 大合照,係一遍混亂,好彩都影到! 媽咪好想咁多BB一齊影,不過,應該好難,唯有試下影一堆BB啦! 今日我地聚埋一齊係要同六月之星一齊慶祝生日架..有Valere,Oswin,Lam Lam同博博,我地都係六月媽媽! 希望個個小朋友都身體健康,開開心心,快高長大!
除左生日蛋糕帽,我地要多謝connie媽媽整既生日帽! 好靚呀..係為每一個小朋友而設架! 好有心思,媽咪要將佢放係First Box留為紀念! 話咁快,小朋友要走啦..下次再黎玩啦! 其實今日實在太混亂,時不時有小朋友喊..唔知邊個打邊個..所以媽咪影左好小相咋! 你地睇下 相簿啦..
等我地睇下有咩生日禮物先..好多新玩具喎! 多謝哂咁多位aunties!
[ 發表回應 ] | related link
博博而家好曳,最鍾意周圍爬..尤其係檯底,椅底同high chair底..連musical table都唔放過! 最初媽咪好驚佢會撞頭,點知Ann姐姐話佢好叻叻,一開始就只係撞過一次,之後博博會慢慢出返黎! 你地睇下..
見到yogurt個ball ball,就一定會拋! 哈哈,仲有好想學yoyo咁「まのて」,不過無yoyo咁叻叻!
[ 發表回應 ] | related link
媽咪今夜同博博講要開始練習爬爬..因為快有爬行比賽,媽咪想比博博試下去參加! 上星期霖霖已經去左,我地唔得閒無得去添..媽咪諗下究竟要點樣引博博好呢?
發現博博好鍾意鏡頭蓋,於是就用黎引佢,成功! 不過,小朋友出到街有咁多吸引,其實臨場表現係點根本就無人知! 同博博好鍾意見到yoyo跑,佢又爬.. 到時無左yoyo,又真係唔同喎!
[ 發表回應 ] | related link
前一頁 下一頁