閃卡 + 膝頭爬爬 
週三, 四月 30, 2008, 08:47 AM - 博詠の學新野


媽咪係天眼已經見到博博著左件新衫..喂喂喂..呢件衫係1歲生日先著架喎! 有無搞錯呀..不過媽咪又無事先話比Ann姐姐聽,係媽咪唔啱! 但好surprise,博博竟然合身,咁即係兩個月後可能唔啱著..咁快D著啦! 果然,著起好靚仔喎! smile


同有經驗既媽咪講話要同博博話閃卡,咁細個就玩..原來此閃卡不同彼閃卡..係有心設計比BB,用意係stimulate佢地對圖像同字有所記憶! 有專家話一歲既小朋友記到一千個字喎! 唔係化! 媽咪返黎搞搞下D玩具,原來媽咪都有買閃卡..不過好似買錯左,好深喎! 加上博博集中力咁低,真係睇一陣就走左去啦! worm 將來一定有排教啦!

哈哈,好開心,博博識用膝頭爬爬啦! 雖然唔係爬到好多步,不過都係大進步啦! 媽咪有望啦,可以準備參加爬行比賽啦!

[ 2 回應 ] ( 153預覽 )   |  related link
Highchair cover 
週二, 四月 29, 2008, 09:10 AM - 博詠の曳事件簿

Batgirl送左野比博博,係Highchair cover,因為博博成日搞到dirty dirty,洗都無咁快乾啦! 仲要送兩個咁多,仲要麻煩亞四既express delivery,真係唔該哂加多謝哂! 咁yoyo呢? 無喎.. 啦啦啦..唔係只係媽咪同爹D偏心架,人人都偏心博博啦..好彩yoyo唔知,咁都無咁心傷!


頑皮既小朋友又搞事..媽咪話住都要搞..仲好得戚添! shake


博博既雙膝好有力..可以靠雙膝脆係到好耐架..所以媽咪都估博博好快會識行..因為一個身輕同唔怕死既小朋友,一定會學得快!

而家晚上訓覺,博博尚算可以,好似停左唔會再好準時咁喊..不過都係唔好讚,一讚又會衰,真係唔好話唔信邪! 不讚為妙! 起碼而家可以算是大人有覺好訓.. keep it up! 而家哄他訓覺都易左..有時十分鐘,有時二十分鐘..試過九點九就訓左! 好野! 但博博真係好naughty,係床床好鍾意起身,比佢行行下玩會越唔想訓,最好都係講下故事哄佢! 要佢培養訓覺mood!

今朝媽咪見到博博見身好似有D眼腫..咩事呢..不過麻麻爺爺又話okay! 尋日食過南瓜,blueberry jelly食左兩日.. 唔通係blueberry..真係唔知點解..不過都係mark低,下次再食既時候要小心觀察..臨時停左先!

另外,今日同另一媽咪傾開計,話要正面教育! 咩叫正面教育呢..例如:博博naughty搞野,就要講"放手",而唔好講"唔好搞"..因為小朋友只會聽到最尾個字.."搞"..咁就真係錯哂啦! 不過講就易,都媽咪今晚見到幾次時,媽咪腦海都唔知應該點講..例如:博博係到拍檯,媽咪想叫佢唔好拍.. 終於唔知點講.. 要諗一陣..先可以講到"停"或者"拍手"既字來教佢! 真係傷腦筋! 所以做媽咪真係要繼續學習架!

[ 5 回應 ] ( 133預覽 )   |  related link
企得穩,爬得快,又蝦yoyo 
週一, 四月 28, 2008, 08:54 AM - 博詠の學新野

真係好好笑,每次媽咪比yoyo同博博玩,yoyo就會拎波波比博博.. 博博拎佢個波又唔會搶!好似等博博拋..有時博博錯手郁到個波,yoyo就會馬上走去執返.. 但博博好cheap,係呢個時候,就會捉yoyo隻耳仔! 而家博博只要有目標,爬行既速度係好快架! 企係到又好穩陣..真係好搞笑!


媽咪同博博苦練既Give me five,終於有D成果..你睇博博同爹D玩..不過有時仲係會失靈架! 仲有好好笑,而家博博識得bye bye同拍手,不過佢會mix up左..叫bye bye,又會拍手! 要慢慢train下先得!

[ 2 回應 ] ( 129預覽 )   |  related link
新奶樽 + 爬起身 
週日, 四月 27, 2008, 08:27 AM - 博詠の學新野

博博真係進步神速,今日自己係綱床爬起身...真係好驚人! 佢仲好巴閉咁要搞yoyo個頭,真係激死! 其實媽咪唔係好信佢點可以爬到..於是偷偷捕佢..果然真係自己爬上來,不過見到佢其實好出力! 有時一次上唔到仲會發脾氣,不過一陣又再試過!　日日係咁練習，媽咪真係好怕佢會好快識行！ 你地一齊睇下佢爬既過程啦,仲有佢而家唔好free hand比自己跌低,佢會慢慢放直隻手架!



尋日見到表弟用新既奶樽,問下問下先至其實有好多個牌子都未達標. 膠樽有機會色放出安分A,對BB有害! 媽咪聽新聞以為無咩野..見表弟都轉左,仲做埋research話最小係B-free. 佢地話係Free Bisphenoy-A喎..於是爹d同媽咪去睇睇啦..嘩! 原來博博用開既NUK,全部落哂架! 唔係化! 咁真係唔買唔得..成九十蚊個,唔係化! 好彩博博而家一日飲三枝奶,買四個搞點! 仲要有折! 媽咪一路擔心博博會唔鍾意呢個奶咀,點知一試即合,仲飲得好左..真係安心哂!


[ 2 回應 ] ( 210預覽 )   |  related link
企係梳化 + 搞bird bird + 初次見面曦曦 
週六, 四月 26, 2008, 12:11 AM - 博詠の曳事件簿

真係一日一日進步.. 博博今日自己拉自己起身,企係梳化邊..不過企一陣會跌落地..真係搞笑! 可能聽日就會自己扶住行行啦! 不過而家佢如果有地方想去,就會爬爬啦!


又或者坐住自己架車,周圍去搞野.. 真係好似要有'跟得'夫人先至得啦! 媽咪既蘭花又一年一度開花啦..仲估有左博博小左照顧,會死添! 媽咪以後要用心養,等博博年年都見到佢開花..

博博真係好頑皮,因為佢去陣poopoo,就要搞bird bird..你地睇下..就快扯爛bird bird啦! 媽咪朋友又話唔好打佢手手,又話佢無記性住..咁點可以stop佢喎..好肉酸呀! 你摸完bird bird,手手又放入口!


訓醒覺,媽咪同我去街街,去左表叔到..因為有個表弟初次見面..你好..你係曦曦呀! 你好..大個一齊玩啦! 你塊面面好大好圓,好可愛呀! 媽咪仲有多d相放係 博博相簿 架..你去睇下啦啦! 密碼係pokpok!


[ 4 回應 ] ( 114預覽 )   |  related link

前一頁 下一頁