拆利是 
週二, 三月 2, 2010, 09:19 AM - 博詠の日誌



今天係時候拆利是啦..好多呀! 不過係博博同詠詠一齊既!! 詠詠好緊張咁望住博博哥哥,你唔好食左我D利是呀! 博博今年好叻,自己拆,又懂得將不同顏色的錢分類!

天氣熱了,找出一些裙子,詠詠好似男仔,穿上裙很好笑!



[ 發表回應 ]   |  related link
新襪子鞋子?? 
週日, 二月 28, 2010, 09:14 AM - 博詠の買新野

以前博博都擁有兩雙這樣的襪子,到了現在款式真係層出不窮,詠詠擁有的比博博靚好多! 這個人字拖真係好好笑,腳甲仲有油到架!

[ 3 回應 ] ( 76預覽 )   |  related link
新春斬竹灣BBQ 
週五, 二月 26, 2010, 05:39 PM - 博詠の街街去
很掛念這一個地方,已有兩年沒有來了. 詠詠是第一次來,很是開心! 腳仔不停地踢踢,亞四都怕左佢. 今天天氣大霧,幸好不是太熱. 博博和yoyo都玩得很開心,芝士不慎掉了落水中,仲比人鬧,真慘! yoyo雖然咁老,但它仍然是最活躍,由頭玩到尾,仲想走去跟大狗比拼,你係咪傻架! 埸地中有一顆楊桃樹,埸主讓博博摘樹上的楊桃,摘到了博博說.這是”祈禱”,笑死人!

今次係第一次逗亞mic利是,多謝! 還有多謝Batgirl利是! 祝你地青春常駐! 仲有亞四送的警車,好多謝! 請問你幾時結婚架! 可真羡慕chloe的長長頭髮,chloe叻了很多,比亞三抱抱!

詠詠出街真係訓得唔好食得唔好,不過只係間中街無問題啦! 由此見得詠詠是比較心歸,比較喜愛自己的家和床仔訓覺! 幸好出街一天後,詠詠會呼呼大睡到天明! 反之博博會訓得唔好,成晚發夢和夢酲喊!


[ 發表回應 ]   |  related link
反身了 
週四, 二月 25, 2010, 05:29 PM - 博詠の學新野
不經不覺詠詠明天便是六個月大,放了她在地墊上不出3秒反左. 哈哈好好笑,她在我們不經意地長大了. 媽咪正在影相之時,博博竟然坐在妹妹背上,嚇死人! 相信是大家的注意力放在妹妹身上,他為求爭取注意カ而作出的行為.

[ 發表回應 ]   |  related link
阿凡達3D 
週四, 二月 25, 2010, 03:16 AM - 媽咪孕記和小雲出生篇
已有一年半沒有走進戲院,今次是為了看什麼是3D電影而走進來. 雖然媽咪比任何人都遲了兩個月才看這套戲,但還是要三星期前預訂了戲票,真的是第一次. 雖然片長161分鐘,但箇中真的沒有悶場. 開始時要有一點暈眩,但習慣了便像置於片埸中,很刺激和好看! 故事的情節很簡單,大概有看過電影的都能猜到. 但故事背後卻有著很大的意思! 以及你會概嘆特技的超卓!

[ 2 回應 ] ( 37預覽 )   |  related link

前一頁 下一頁