Calendar
今日媽咪同媽咪團傾計才知道博博比其他BB食少好多種類既野..不過唔可以人比人,因為博博係早產BB,加上前一陣子成日病,個人無咩mood食野! 今晚媽咪成功餵到博博食蘋果,好開心! 最後係因為吞得唔好,所以嘔左小小.. 好過無啦! 明天再努力! 大人有士多啤利食,博博又要試下..好啦..睇你都食唔到,點知真係食到..牙肉都好勁! 媽咪都要博博整返個食物表先得!
今晚博博好早訓,九點三上床,媽咪好開心咁以為可以寫blog.點知九點九,十點九都喊,真係唔知咩事..媽咪抱了博博出黎..跟住仲衰! 個樣好眼訓,但係就唔梗訓..又唔想玩..媽咪鬧又試過,逗又試過,都失敗.. 最後一點九先訓! 爹D教訓媽咪話唔應該抱佢出黎,出左黎就以為有得玩,更加唔訓! 不過媽咪係唔捨得聽到博博喊,下次會留係Ann姐姐房到揍佢架啦!
[ 發表回應 ] | related link
今朝博博好乖,7:30食完奶,9:30先起身..媽咪係隔離房聽到呀呀聲就走過去..見到博博係到爬牛牛..嘩! 好好笑,不過媽咪就有d怕怕會跌出黎! 不過都要影video先得!
博博開始想同yoyo玩..你睇下..不過yoyo好緊張個波比博博拎左,所以一路睇住個波! 博博你咁大膽去yoyo個口到拎波波,真係童年無忌! 好彩yoyo係一隻乖乖狗!
今日媽咪同爹d要同亞四慶祝生日,博博由婆婆同麻麻睇住啦! 你唔好蝦佢地.. 天氣熱了好多,又好濕,博博都一身大汗呀! 可能要準備一D夏天衫! 食完飯返黎,咩事博博仲未訓! 原個四個活寶貝(公公,爺爺,婆婆同麻麻)唔敢叫醒博博,比佢訓到七點! 唔知係咪讚壞左,尋既又喊幾次..訓之前成身汗,訓左一陣又凍冰冰,又熱又凍真係麻煩.. 又辛苦Ann姐姐啦!
[ 發表回應 ] | related link
今朝媽咪出左街.. 竟然係H&M到有收穫,係博博都媽咪都有收穫,好開心! 原來H&M既bb野一D都唔貴,下次媽咪都要去買衫衫比博博先得!
下午媽咪同博博玩,好大膽既博博係梳化仔自己落地..個樣就望住媽咪等我接住佢,一D都唔怕fall down既感覺,跌左落地仲笑添..頑皮到不得了! 但高興既係見到博博可以企定兩秒,可能好快會扶住野起身!
晚上又去梁醫生到,咳咳好了..個氣管都清哂了! Ventolin可以停了,Seretide用多一個月啦..等天氣暖一點先! 上次試過supplement,好似幾好..醫生問我地繼續食嗎..係可以用黎prevent氣管問題,仲係天然既添,不過就好貴..承惠$700 500ml..嘩,真係唔野小,博博同yoyo一用天然既都係貴架啦.. 但求好,睇小d醫生都係返到啦!
[ 1 回應 ] ( 29預覽 ) | related link
博博既生活開始打回原型.. 繼上星期晚上一晚起幾次身,終於Ann姐姐同媽咪都有覺好訓.. 呢幾日仲好叻叻咁一覺訓天光! 唔知博博係咪知道媽咪為左呢個訓覺唔抱抱既問題駡了Ann姐姐一頓,姐姐態度改善了,博博又幫下手,咁就人人都happy啦!
博博既咳都好了,明天去睇下醫生檢查! 今日既ventolin又可以再減,減到一日兩次,每次兩個puff. 今日初次放博博係個地下到,博博'us'到幾下,博博應該係唔識爬.. 原來又係似爹D咁'us us'下,麻麻見到不知幾開心! 不過媽咪好唔開心,唔係因為佢唔似媽咪,而係無得參加爬行比賽! 但懶惰既博博唔係成日爬架..要見到想去目標就會郁,好好笑!
點解腳趾會咁既..博博你著高跟鞋咩? 定係jumper跳得太厲害呀?
[ 發表回應 ] | related link
一返到黎,博博又係到練習爬爬,好可惜都係只會向後爬... 今日博博繼續食白花蕃薯.. okay啦! connie媽媽蕃薯食多幾日都唔怕,南瓜就唔好啦..如果唔係就好似霖霖咁黃架啦! 見食野好D,媽咪又試新野.. 香蕉布丁.. 今日好左喎,小小打冷陣就小不免架啦..唔嘔真係好比面! 仲好似好鍾意食添! 得左.. 繼續詆多D新野..不過沖涼既時候見到背脊有小小紅印..係咪敏感呢? 博博真係煩..唔知係咪對支supplement有反應添! 要小心觀察!
博博個樣超奸!
媽咪今日有幸問到Gordon uncle既一個朋友,佢個BB都有氣管炎,仲要幫襯左個超名醫生譚一長..最平個次都要$2400,最貴個次就要$4000+. 睇下爹d媽咪幾鍚我地既小朋友! 真係不惜一齊要小朋友快D好返! 媽咪立刻請教朋友譚醫生係用咩treatment,因為媽咪都怕博博係咁咳會好長手尾.. 譚醫生有叫BB吹氣睇下氣管有無窄,跟住又xray,bloodtest. 証明BB係氣管炎同hyper sensitive..跟住食steroid消炎,然後就繼續嘖有Steroid既Pulmicort,已經嘖左一個月有多.. 好彩問完之後,雖然用藥有點不同,但同粱醫生既做法差唔多..咁媽咪都放心! 加上博博既咳差不多都停了..所以繼續觀察應該無問題!
[ 發表回應 ] | related link
前一頁 下一頁