Calendar
博博有自己的牙膏了,媽咪見博博開始懂得用杯和肚水,所以買了BB牙膏給他. 係Chicco專門店見到Chicco有士多啤利味,好啦! 不過個價錢就真驚人.. 75ml要$88,唔係化! 都無法,都要買啦,食左都無咁易有事麻! 每次都係用一粒米,都可以用好耐既! 第一次用,博博便吞了... 唔知食得多有無事呢???
過了幾天,好憤怒呀! 因為比媽咪係Manning見到同一支牙膏,你地估下幾多錢... 係$33.9! 有無搞錯呀! 專門店真係專門"握"人!
而博博今天做了表哥了,有一位表妹前天出生! 6lb半,好可愛! 不過無得影相!! 恭喜哂表叔! 今次媽咪無爬表叔頭,表叔唔好再成日話爹D比他早了小小出生,要表叔做表弟! 你的女女出生不久便可以做表姐了!
[ 發表回應 ] | related link
今天上學的時間是兩小時了,今天會見到全班同學仔了. 而最大的挑戰便是博博要自己坐校巴,媽咪爹D會係學校等博博! 出發之前,媽咪同博守博錄了一段影片!
博博知道回學校之後,要跟老師說"老師早晨!"
8:30出門口,校巴已經到了! 下著大雨,Ann姐姐送了博博上車,博博好似好得..無咩異樣! 仲有同爹D講bye bye添! 車上有兩個helper,博博坐了中間位置,扣上安全帶! 出發了!
其實媽咪都好緊張,因為媽咪由細到大都未試過坐校車架! 幸好博博無喊,媽咪同爹D都可以放心!
博博坐的是27號校巴,校車走了,媽咪影了相. 但小朋友真的太矮了,就好像只有位幾位大人! 原本爹D媽咪想跟車尾去看看行駛路線,不過又想去接另一個媽咪,讓車走了! 唯有回校等候! 嘩..校車終於在1小時10分鐘到校,已經是9:40了,家長都不大滿意車程太久! 爹D媽咪更有一點擔心,會不會對博博不是太好. 要早起又遲到,車上的時間上了一小時.. 跟老師說了,要待明天再看看情況!
今天上課時間是兩小時,一回校便是茶點時間. 接著是講故事! 之後便是出室內遊樂場玩和做運動,最後是唱歌時間. 有老師彈琴和一起跳舞! 很快便兩小時了,我們放學啦! 今天每位小朋友都有餅餅!
由於媽咪身材太大,會阻礙位置! 媽咪只有在班房門口看,爹D便在班房裡陪博博! 說真,博博根本不需要我們,因為他可以自己乖乖坐下聽書. 就算有一個好頑皮的小朋友不停郁,都無影響博博聽書! 真係乖仔! 老師都讚他的專心,不過博博是比較小比反應的! 其他小朋友會出聲，博博都比較沉默! 媽咪知道這是正常的,博博比其他小朋友夕需要多一點觀察的時間! 老師都說沒有什麼問題! 而爹D就乘機偷拍..比老師見到會阻止的! 而今天博博終於願意跟住老師做運動啦! 這是好的開始!
[ 3 回應 ] ( 83預覽 ) | related link
博博下星期要上學去了,頭髮真的有一點混亂,是時候上理髮店收剪一下! 媽咪嘗試替博博自己剪,不過博博不大合作! 又因為他頭髮比較小,比較難剪到美的髮型! 幸好在家附近找到一間BB理髮店,有玩具車坐,剪得非常開心! $63剪一次,都可算合理! 十五分鐘完成! 好野!!! 最好笑係博博跟理髮師一路剪一路傾計,好似大人!
位auntie話要到三年班先會多頭髮..唔係要等咁耐麻! 仲有係前面唔好再剪,留長小小可以剪得比較好看的髮型!
[ 2 回應 ] ( 43預覽 ) | related link
今天跟Montessori playgroup去了博博人生第一次旅行和field trip. 目的地是嘉道理農場! 其實今次都是媽咪第一次去參觀,可算是一個幾好的體驗! 天氣非常好,非常熱,只下了一陣子雨..可是媽咪卻由頭濕到腳,由內濕到外,真的溶了! 小朋友好可愛,看螞蟻都要一齊! 不知為何博博看到大笑！
由於小朋友比較細,分組和上廁所都花了半小時了! 開始出發去遊覽了,一開始便到了有機農田-生機園! 園裡有香薰的花,蔬果,還有一位稻草人! 媽咪學會了稻草人的英文名scarecrow! 猜不到小小的博博已經懂得! 之後,我們參觀了鹿和squirrel和野豬! 幸好有Ann姐姐,可以抱博博看,又可以告訴他動物的英文名! 媽咪真係連中文都未必知道叫什麼呢!
接著,我們再去參觀昆蟲之家,Miss Katherine抱住博博周圍參觀! 原來Miss Katherine都好鍚Jensen. Jensen又好願意跟她,學到的一定比其他小朋友多! 但不知為何博博會驚Greenhouse,入到沙漠中博博一定要痴住Ann姐姐.
還有一個Greenhouse,博博竟然抗拒進入,多得Miss Katherine,博博又好願意跟Miss Katherine一起參觀,還見到不同顏色的Orchid. 最後一站,我們去了小食店休息.. 終於有冷氣了! 我們買了飲品,吃了自己帶的麵包. Miss Katherine叫小朋友交出工作紙,給了他們一個印和一些種子! 在小食店有不同的有機蔬果售賣,Miss Katherine又趁機會教博博這個那個是什麼! 臨上車之前,我們影大合照,在中午的陽光底下影相,真的熱透了!
一上車,小朋友和大人都累了,博博非常快便入睡,媽咪讓他睡在肚子上,很可愛! 不過小雲妹妹不是太開心,不停在肚中踢哥哥! 而博博的第一次field trip就此完結了!
後記: 今次可能是博博最後一次見Miss Katherine,博博上N1,要等星期六有位才可以讀上去. 不過媽咪好慶幸博博遇上Miss Katherine,在眾老師中Miss Katherine似乎都好的一位!
[ 發表回應 ] | related link
今晚媽咪決定讓博博自己睡,趁博博比較夜睡和疲倦,希望在頭幾天有著效用,不會嚷著要回Ann房! 第一晚媽咪和爹D都好緊張,好怕聽不到博博半夜哭! 媽咪睡得不太好,因為有著一種掛念! 不過都好開心可以在自己睡前走入博博看看他蓋被的情況! 第一晚,Pass! 博博一路訓到天光.. carry on!!!
而媽咪同時發現了yogurt仍然對博博的哭聲好敏感,原來全屋最醒訓的是yogurt,只要博博一叫或哭,yogurt會係第一個叫醒媽咪開門讓他出去看看! 有yogurt看更犬,媽咪不怕聽不到博博哭啦!
[ 發表回應 ] | related link
前一頁 下一頁