Calendar
今天跟Montessori playgroup去了博博人生第一次旅行和field trip. 目的地是嘉道理農場! 其實今次都是媽咪第一次去參觀,可算是一個幾好的體驗! 天氣非常好,非常熱,只下了一陣子雨..可是媽咪卻由頭濕到腳,由內濕到外,真的溶了! 小朋友好可愛,看螞蟻都要一齊! 不知為何博博看到大笑！
由於小朋友比較細,分組和上廁所都花了半小時了! 開始出發去遊覽了,一開始便到了有機農田-生機園! 園裡有香薰的花,蔬果,還有一位稻草人! 媽咪學會了稻草人的英文名scarecrow! 猜不到小小的博博已經懂得! 之後,我們參觀了鹿和squirrel和野豬! 幸好有Ann姐姐,可以抱博博看,又可以告訴他動物的英文名! 媽咪真係連中文都未必知道叫什麼呢!
接著,我們再去參觀昆蟲之家,Miss Katherine抱住博博周圍參觀! 原來Miss Katherine都好鍚Jensen. Jensen又好願意跟她,學到的一定比其他小朋友多! 但不知為何博博會驚Greenhouse,入到沙漠中博博一定要痴住Ann姐姐.
還有一個Greenhouse,博博竟然抗拒進入,多得Miss Katherine,博博又好願意跟Miss Katherine一起參觀,還見到不同顏色的Orchid. 最後一站,我們去了小食店休息.. 終於有冷氣了! 我們買了飲品,吃了自己帶的麵包. Miss Katherine叫小朋友交出工作紙,給了他們一個印和一些種子! 在小食店有不同的有機蔬果售賣,Miss Katherine又趁機會教博博這個那個是什麼! 臨上車之前,我們影大合照,在中午的陽光底下影相,真的熱透了!
一上車,小朋友和大人都累了,博博非常快便入睡,媽咪讓他睡在肚子上,很可愛! 不過小雲妹妹不是太開心,不停在肚中踢哥哥! 而博博的第一次field trip就此完結了!
後記: 今次可能是博博最後一次見Miss Katherine,博博上N1,要等星期六有位才可以讀上去. 不過媽咪好慶幸博博遇上Miss Katherine,在眾老師中Miss Katherine似乎都好的一位!
[ 發表回應 ] | related link
對博博來說,昨晚可算是惡夢的一晚,可能係因為我們曾掉下他,博博只是睡了兩小時之後便大哭! 哭到不能停下,媽咪唯有抱起他哄他入睡! 可是,只睡了十五分鐘,博博又再驚醒,不停飲泣,手緊緊抓住媽咪! 媽咪好細聲地在博博耳邊說媽咪係到,唔好驚,訓啦! 但博博仍然是不出十幾分鐘便醒了望住媽咪! 眼神告訴媽咪好想証明抱著他的是媽咪! 媽咪好心痛,爹D說今天可真的令博博留下了陰影! 他內心的不安不能夠快快地清除... 爹D都贊成媽咪抱著博博睡..只要博博有小小郁,媽咪便輕聲地說媽咪在旁! 我想大概抱了半小時媽咪先可以放博博在大床上一起睡! 但博博仍然是半小時驚醒,有小小喊聲,伸起頭望望左邊的媽咪,右邊的爹D,才放再睡... 媽咪見到真係心酸,那麼小的小朋友真的知道分離和安全感是什麼! 雖然媽咪好累,auntie Ray好想幫手,媽咪說不好了.. 媽咪不想再給博博有一種媽咪不理他的感覺! 媽咪要為此作出一點補償! 媽咪和爹D都不習慣跟博博一起睡,被博博踢到不得了,媽咪又擔心博博踢到BB,所以媽咪根本沒有好好睡! 爹D到天光時忍受不了,去了梳化睡呢? 而博博都因為成晚醒,起身時又哭了..一定是睡得不好了! 起身了後,全天博博都要媽咪在旁,媽咪不能抱他,唯有企係抱他的人身邊! 博博今天又不能開"媽咪拜拜"的玩笑,一講即時飲泣! 呵.. 博博今次真的有很大的心理陰影! 媽咪和爹D真的輕視了博博不怕陌生的反應! 原本平時人人都跟的博博都變了,這給爹D媽咪一個大教訓!
係酒店影相...
出到碼頭有黃包車,大家叫博博擺post..好型仔!
坐巴士出了新馬路逛逛,要找好味的東西食! 可惜,媽咪想去的舖頭都沒有開..好失望!
最後是但食啦..太肚餓了!
而博博食完豬扒飽之後都頂唔住,三分鐘睡了在媽咪肩上!
我們早回了酒店,因為幾位家姐細佬都未到過威尼斯人逛逛.. 我們好難得四姊妹一齊去旅行,要影多D相!
好開心,不停影..博博入左3 monkey 餐廳同monkey影相,好可愛!
最後我們在威尼斯人食晚餐,叫No Signboard restaurant,係花花介紹架,好好味! 好懷念新加坡添! 去到Next,博博又自己選衣服,好好笑! 係時候走啦,要同澳門講拜拜啦!
回到家,我們真估不到,博博連Ann姐姐都不要.. 要爹D跟他洗澡,要媽咪抱,於是媽咪跟博博玩玩具,學平日生活一樣,玩了一陣,同博博開奶.. 之後他先願意入房!
後記:其實媽咪今次Trip好有一個姊妹情心feel,可能四姊妹真的很久沒有走在一起,由最大到最細相差十五年,不過又不覺得是什麼. 大家見媽咪大肚都好幫手,媽咪雖然對有第二位BB有一點壓力,不過今次真的感受到親生兄弟姊妹的愛和關懷,這是任何人都不能代替的! 媽咪希望博博同妹妹會相親相愛!
[ 1 回應 ] ( 85預覽 ) | related link
出發了,今天我們一家人去澳門,因為今天是太婆的生日! 約好了公公婆婆和姨姨一起出發! 因為有公司優惠,所以我們今天預訂了入住威尼斯人酒店. 為了優惠,我們要乘金光飛航,直達氹仔,再有免費穿梭巴士前往酒店! 不過姨姨話船好拋,又需時一小時十五分鐘! 真係唔係幾好!
到了酒店,好靚! 可能見我們有小朋友,酒店可以讓我們早一點check-in. 不過貴酒店的工作速度可算驚人,所有手續需時一個半小時才完成! 媽咪還有一個心願,希望看ZAIA show,所以一次過辦理購票手續! 大家無野做便先拍照! 快快要趕上去會合澳門親戚飲茶!
飲茶後,媽咪要馬上趕回酒店看ZAIA show,放下了博博給姨媽,公公和婆婆照顧! 一回到酒店,有表演又有波波,要快點拿一個給博博先! 酒店推廣既表演都不錯,我們都十分期待! 睇show前上房望下先!
嘩,好好好好大呀! 我們要了Bella Suite,有兩張床,可以訓四個人. 仲有一個客廳! 影影影...
開show前,我們一家要係出面影下相,好靚.. 仲要扮鬼扮馬,睇呢大家都好有期望! 媽咪就覺得好睇,爹D話比起十年前既Allergia就無得比. 不過得佢一個人睇過.. 而今次係媽咪第一次睇馬戲表演! 媽咪好開心!
看完show,我們去了賭場走一趟,之後去了酒家會合親友! 博博好掛住媽咪,姨媽話佢喊,要搵媽咪爹D! 博博一見到媽咪就抱得好緊,媽咪知道博博一定好唔開心!
姨媽話佢自己睇睇下電視流眼淚,仲要係一隻眼一滴,媽咪聽了好心酸! 嘩,食晚飯啦..好多人,一共有五圍咁多..你地睇下太婆有八個仔女,人人生一至兩個,婆婆生四個,真係估唔到一個人可以生出咁多人! 祝太婆身體健康! 博博好乖咁同太婆講生日快樂! 逗得太婆不知幾開心! 仲逗多左一張紅紙添!
好難得咁多表兄弟姊妹走在一起,我們合照吧! 嘩.. 真係數不到有幾多個..而大家都有了自己的仔女,真係一個大家庭! 現在人人都只會生一個或者不生育,我們不會再見到這種情況了!
[ 1 回應 ] ( 12預覽 ) | related link
要走了,真是不捨得! 博博身體好了,脾氣都好了,今天既早餐終算好了一點! 快快食過早餐,我們出去玩了.. 博博這幾天都是跟姨媽訓,都好乖乖! 而媽咪都有覺好訓了! 出去海灘,好開心有太陽..沙龍沙龍..好kawaii!! 戴左帽既博博好似女仔! 最後一天,媽咪又要特訓博博了,同博博玩潛水! 連潛五次都無飲水,博博真是知道如何控制呼吸了.. 另外媽咪又同爹d玩兩邊接博博,博博不停在水中笑... 真好笑!
幸好媽咪request左late checkout,我們可以回去讓博博休息一下,之後收拾行李走了! 跟回程既飛機還有一段時間,我們去吃了tea,又去child centre和children playgroup. 這所酒店真大阿!! 好像還有地方未行過似的..突然有馬車,原來都是這裡的一種免費措施,可以隨意叫馬車戴我們行一圈! 媽咪不敢坐,怕dirty!! 只是影相罷了!
到了機場,媽咪見到芒果雪糕,要食..一來便是三個球,真是很飽! 上飛機了,博博在機上不停在玩,不願訓! 真要命! 可能飛機上太多東西都非常吸引了! 一直到了香港,博博在AEL上睡了! 幸好沒有在飛機上大吵大鬧,不過媽咪就沒有休息了! 完了旅程,有開心有不開心,博博似乎真是不太適合去旅行! 又不懂聽話,尤其在食飯時,長時間要entertain佢有一點吃力! 可是只要見到博博見到水既樣,什麼不開心都不記得了...他真是十分喜愛有海和水既地方! 他見到水和認真地說"我要我要"既時候,真的令人發笑! 媽咪都是愛水之人,雖然辛苦,媽咪和爹D都覺得這是藉得的! 盡管博博長大了不記得,媽咪爹D卻不會忘記博博第一次之旅!
[ 發表回應 ] | related link
今日係第三天了,博博起身好似無病啦.. 好開心! 陽光又好,快快出去游水了.. 我地首先去Lagoon游,游多一陣就上去玩沙..跟住又去游泳池! 有網床,快D影扮sweet sweet先! 不過博博不是太喜愛網床! 媽咪又頑皮了,要sir滑梯.. 爹D唔比媽咪同博博一起sir,媽咪自己去. 媽咪sir了一次之後,媽咪問博博,博博都話想玩! 現在既博博懂得表達要和不要,又會點頭表示要. 好可愛! 於是媽咪跟博博滑了一次,其實衝力好大,博博個鼻入水,不過頑皮仔好像媽咪,問佢仲要唔要玩,佢話要要...哈哈! 泳池仲有jacuzzi,真係按摩下特別舒服! 而博博好享受按摩池中既bubble bubble! 不停要splash!! 媽咪又黎啦,要博博玩潛水.. 好叻叻,今次無飲水,仲知道什麼是閉氣添! 你地睇下,頑皮要跳落水了,1,2,3..閉氣..jump!! 好搞笑! 可是最搞笑係唔知點解博博突然係水中想poo poo,嘩,真係嚇死媽咪! 博博已經三天沒有便便了!
玩完一個上午,要休息了..博博訓覺,大人煮福麵食,真係好好味喎! 最後兩天,突然覺得時間過得很快,好唔走添! 可能係博博好返啦.. 於是再游多一次黃昏水,博博自己玩下沙好了! 水比較凍,又比較大風! 唔知係咪冬天比較快天黑呢? 同博博去了餵魚,呢到有一個小魚塘,有好多咸水魚架.. 博博同大家一齊1,2,3拋麵包.. 係呢個trip,博博學識了說bread! 晚了,我們要回去洗澡,博博十分不足夠,不願走! 又喊了,媽咪用了花灑引走了他,呢個小朋友真不怕水,用手玩水,仲放個頭去洗,真係笑死人! 最後,媽咪說,水要走啦.. 關水之後,博博便說bye bye!!
晚飯去了一間意大利餐廳,有鋼琴聽,不過似乎不是太適合博博! 在餐廳大叫,職員見狀,連忙拿上顏色和公仔紙,可惜博博都是拋落地! 最後一次仲拋了一隻碟落地,打破了,媽咪同爹D都感到萬分不好意思! 一個romantic既晚餐,讓博博搞亂了! 幸好職員都好有禮物,仲問媽咪要唔要雪糕比博博添! 媽咪道歉了.. 最後媽咪讓博博落地走,博博跟隔離枱既婆婆玩peekaboo,才可以打發一點時間! 我們叫了一客mixed chop,原來係用火燒架,好得意!
[ 發表回應 ] | related link
下一頁