| |
| 今日係我兩歲生日呀！我全家都非常開心，事關媽 |
| 咪送o左一份花了二百個心機和精神的禮物給我，而 |
| 這亦是媽咪兩年來的夢想。這就是各位現在睇緊既 |
| Yogurt個人網頁啦！ |
| |
| 其實媽咪自從九月買了新電腦後，每天放工回來就 |
| 不停對著電腦鑽研。真是除了食飯，飲水，沖涼和 |
| 去廁所以外，就呆呆地看著電腦，旁人真的以為她 |
| 是一個石像呀。我有時會見到媽咪好開心咁地大叫 |
| 一聲得o左，有時又會見到佢悶悶不樂，皺住眉頭， |
| 托住個Saw，不斷喃喃自語，同爹D說這裏攪唔掂 |
| 呀，點算呀！看到媽咪咁辛苦，我都非常心痛。 |
| 有一天，我趁爹D媽咪離開書房時，我膽粗粗地跳 |
| 上書檯，睇到電腦上有一個很大既我呀，張相仲影 |
| 得我好靚仔添，是什麼？聽人講呢D係叫個人 |
| Homepage呀！嘩！原來媽咪咁辛苦就係為o左整個個 |
| 人網頁比我。好o野！D朋友仔話有o左Homepage就 |
| 可以放有關我既事上網，不論開心或唔開心都可跟 |
| 朋友仔分享啦！睇o黎好似幾好喎。其實，平時我o左 |
| o地一家人都會睇o下人o地D網頁同日記o架！知道朋 |
| 友仔D近況都幾開心o架！不過，原來寫網頁都唔係 |
| 一件簡單既事。媽咪為o左寫好網頁，己經學會了很 |
| 多新的軟件，例如: Dreamweaver, Photoshop, |
| Framemaster…. 唉！仲要學打中文字添。點解我會 |
| 知，因為媽咪晚晚都只係會開著這幾個軟體，而我 |
| 又晚晚坐在窗檯上陪住佢，試問我點會唔知呀！佢 |
| 仲久不久就問o下我咁樣好唔好，咁樣放又得唔得添 |
| ！其實只要係媽咪整，點樣都係好o架啦。你o地話個 |
| Homepage靚唔靚先？ |
| |
| 靜靜雞講你o地知𤥂，其實我都好開心媽咪能夠快D |
| 完成Homepage，事關之後佢唔使再成日對住部電腦 |
| ，我又唔使日日坐在窗檯處，無無聊聊睇o下街。又 |
| 可以同以前一樣，日日陪我玩，都不知幾開心。在 |
| 這段日子，受害者唔單止我呀，連爹D都同樣受到 |
| 冷落，而我o地的起居飲食暫由爹D全權負責。假期 |
| 唯有同爹D踢o下波解下悶囉！雖然我o地玩緊，但係 |
| 我同爹D個心都在默默地支持緊媽咪o架。係咪 |
| 好warm呢！ |
| |
| 這個Homepage得以順利推出，媽咪特意要我在此多 |
| 謝以下 uncles & aunties: Ah 4, HK Oyagi, |
| Corina, Joyce & Tina。 |
| |
| 最後，希望你o地鍾意我個網頁，得閒記住多D係 |
| BBS留言呀！我會回覆o架！唔講啦！我要去玩波波 |
| 啦！拜拜！ |
| |
 2004年10月3日 |
